Багъалы джердешле!
Барыгъызны да Джазны эмда Урунууну байрамы бла таза джюрекден алгъышлайбыз.

Хычаман (май) айны 1-и – ол уруннганланы тюрлю-тюрлю тёлюлерин бирикдирген халкъ байрамды. Ол байрам кюн сайын махтаулу урунуб, къралны ёсюмюне уллу юлюш къошханлагъа бюсюреу этиуню белгисиди.
Урунуу джамагъатны джашау болумун игилендириуню, экономикагъа ёсюм алдырыуну, алгъа тири атлам этиуню тамалы болгъанлай турады. Адамланы джууаблылыкъларыны, урунуугъа сюймекликлерини, тутхан ишлерине кертиликлерини себебинден Деу Эресей кючлюден кючлю болуб барады.
Къарачай-Черкесия халал уруннган адамлары бла ёхтемленеди, аланы джетишимлери ёсюб келген тёлюлеге юлгюдю. Ала барыбызны да ашхы ишлеге учундурадыла.
Барыгъызгъа да саулукъ-эсенлик, мамырлыкъ, насыб теджейбиз. Ишигизде джетишимли болугъуз!

РФ-ны Федерал Джыйылыууну Федерация Советини членлери САЛПАГЪАРЛАНЫ Ахмат бла КАЗАНОКОВ Крым.