Арттотур (апрель) айны 15-ден 18-не дери Магаданда джумдурукъ тюйюшден (бокс) эришиуле бардырылгъандыла.

Ала СССР-ни спортуну махтаулу устасы, джумдурукъ тюйюшде 1964-чю джылгъы Олимпия оюнланы эмда СССР-ни 6 кере, Европаны 2 кере чемпиону Валерий Попенченкону эсгериуге аталгъандыла.
Эришиулеге Эресей Федерацияны 25 регионундан 70 спортчу къошулгъанды. Къарыуларын сынагъанланы араларында Къарачай-Черкесияны спортчулары Алакъайланы Амин бла Бархозланы Азнаур да болгъандыла. Ала экиси да, кеслерини ауурлукъларында биринчи орунланы алыб, алтын медалла бла саугъаланнгандыла.
Джетишимли спортчуланы джумдурукъ тюйюшню амалларына Шамель Гоншоков, Али Дзамыхов, Каппушланы Азамат эмда Рустам Ксалов юретгендиле.

СОЛТАНЛАНЫ З.