КъЧР-ни Ич ишлерини министерствосуну Зеленчук район бёлюмюнде Эресейни Ич ишлерини эмда ич аскерлерини ветеранларыны кюнюне аталгъан джыйылыу бардырылгъанды.

Ветеранла ич ишлени органларына не джаны бла да болушханлай турадыла. Акъыл-балыкъ болмагъанла бла бардырылгъан профилактика ишлеге тири къошуладыла. Ёсюб келген джаш адамлада патриот сезимлени ёсдюрюуге да тыйыншлы къыйын саладыла.
Ич ишлени район бёлюмюню тамадасы Евгений Ковалев эмда бёлюмню къуллукъчулары районда Ич ишлени ветеранларыны советини эмда Джамагъат советини председатели Батчаланы Мухат бла бирге ветеранланы таза джюрекден алгъышлагъандыла. Ёсюб келген джаш тёлюню ариу халиде эмда Ата джуртха кертиликде ёсдюрюуге эс бёлгенлерин чертгендиле.
Ветеранлагъа КъЧР-ни Ич ишлерини ветеранларыны советини, Зеленчук муниципал районну башчысыны, районну Ветеранларыны советини атындан Хурмет
грамотала берилгендиле. Алагъа мындан ары да саулукъ-эсенлик теджегендиле, бир къауум ветеранланы саугъаларын юйлерине барыб бергендиле.

Маралланы Ина.