Къарачай-Черкес Республиканы школларында къыйын техноген болумгъа къаршчы бютеу Эресей юрениуле барадыла.

МЧС-ни республикан управлениесинде билдиргенлерине кёре, мероприятиени управлениени тамадасы Александр Голоколенко, КъЧР-ни окъуу бла илму министрини орунбасары Шаманланы Шамиль, регионну министерстволары бла ведомстволарыны келечилери ачхандыла.
– Эки кюнню ичинде къралны бютеу колледжлеринде, школларында, сабий садларында не этерге тыйыншлысын ачыкъларгъа керекдиле. Ишни баргъанына оператив къуллукъланы келечилери багъа берликдиле: Эресейни МЧС-ни, Ич ишлерини министерствосуну, Эресей гвардияны эмда башха санагъатланы, – деб билдиргендиле МЧС-ни джергили бёлюмюню пресс-къуллугъунда. МЧС-ни къуллукъчулары Зеленчук эмда Уруп районлада юрениулени тыйыншлы дараджада бардыргъандыла. Школлада къыйын болумну къурагъанча этиб, адамланы тышына чыгъаргъандыла, джыйылыула бардыргъандыла.