Хурметли джердешле!
Барыгъызны да Эресейчи парламентаризмни кюню бла алгъышлайбыз!
1906-чы джыл арттотур (апрель) айны 27-де, 120 джылны мындан алда, Эресей Империяны Кърал Думасы – къралда закон чыгъарыучу властны тамалын салгъан биринчи демократия институт – ишлеб башлагъанды. Байрам 2013-чю джылдан бери белгиленеди, Эресейни магъаналы кюнлерини орузламасында энчи орун алгъанды.
Бюгюнлюкде закон чыгъарыу бла кюрешген институтла салыннган борчланы айыбсыз толтурадыла, заманны излемине келишген эмда къралгъа, аны регионларына тыйыншлы социал-экономика ёсюм алыргъа мадар берген джорукъланы тамалын къурайдыла.
Бу байрам кюнде биз республикабызны депутатларына, ишлерин бет джарыкълы баджаргъанлары ючюн, разылыгъыбызны билдиребиз.
Къарачай-Черкесияда да парламентаризмни адетлери кючлюдюле. 1995-чи джыл никкол (июнь) айны 10-да КъЧР-ни Халкъ Джыйылыууну биринчи чакъырыууна депутатла сайланнган эдиле. Андан бери регионну Парламенти кърал власть системада закон чыгъарыучу баш орган болуб келеди. Депутатла Къарачай-Черкесияны социал-экономика ёсюмюне, джамагъатны арасында бирикмекликни бегитиуге тыйыншлы юлюш къошадыла.
Сабийлери болгъан юйдегилеге, СВО-гъа къошулгъанлагъа, ветеранлагъа болушлукъ этерге джораланнган, туризмге, социал инфраструктурагъа, экономикагъа ёсюм алдырыргъа мадар берген законла заманында джарашдырылгъанлары себебли магъаналы проектлени, программаланы толтурур хыйсаб къуралады.
Хурметли джердешле – закон чыгъарыучула, санагъатны ветеранлары, аппаратны къуллукъчулары, юристле! Сизге бу байрам кюн саулукъэсенлик, ишигизде джетишимле теджейбиз.
Къарачай-Черкес Республиканы Башчысы
ТЕМРЕЗЛАНЫ Рашид
Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.
