Багъалы джердешле! Хурметли къазакъла!
Сизни Къазакъланы реабилитацияларыны кюню бла алгъышлайбыз!

35 джылны мындан алда, 1991-чи джылны арттотур (апрель) айыны 26-да, РСФСР-ни «О реабилитации репрессированных народов» деген законуна къол салыннганды. Алай бла, Совет Союзну джылларында репрессиялагъа тюшген къазакъланы реабилитациялары башланнганды. Бу кюнню бизни регионнга энчи магъанасы барды – къазакъла кёб миллетли республикабызны бёлюнмезлик кесегидиле. Къарачай-Черкесияны миллетлерини бир къаууму тюрлю-тюрлю джыллада зорлукъну, кёчгюнчюлюкню сынагъандыла. Алай бла, ол тарих документни магъанасын барыбыз да иги ангылайбыз.
«О реабилитации репрессированных народов» закон къазакълагъа адетлерин, маданиятларын, тин байлыкъларын джангыртыргъа эмда сакъларгъа мадар бергенди. Бюгюнлюкде уа ёсюмню, алгъа барыуну юсюнден айтабыз. Бусагъатда саулай Эресейде Къазакъ бирлешлик, Баталпашинск бёлюм да аны къурамында, керти патриотланы, ата-бабаларыча, Ата джуртларына къуллукъ этиуню баш борчларына санагъан тири адамланы бирикдиреди. Къачан да аскер адетлеге кертиликлерин танытхан Баталпашинск бёлюмню къазакълары аскер къаугъа баргъан джерде Эресейни эркинлигин джакълайдыла, аскерчилеге болушадыла, алагъа джарарыкъ затланы ашыргъанлай турадыла. Аскерчилерибиз бары да юйлерине сау-эсен къайтсынла.
Къазакъ станселерибиз ёсюм алыб баргъанларын, къазакъ бирлешликле тири ишлегенлерин, джаш тёлю ата-бабалары бла ёхтемленнгенин, ёмюрледен бери келген адетлени сакълагъанын, тири джюрюш бла алгъа баргъанын кёребиз.
Багъалы джердешле, бу байрам кюнде барынга да кючлю саулукъ, насыб, джетишимле теджейбиз.

Къарачай-Черкес Республиканы Башчысы
ТЕМРЕЗЛАНЫ Рашид
Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.