Багъалы джамагъат!
40 джылны мындан алда Чернобыль атом элетростанция атылыб, адам улуну тарихинде эм уллу экология палах болгъан эди. Ол кёзюуден бери бу кюн къыйынлыкъда адамла халкъ бирликни, ётгюрлюкню танытханларыны белгиси болгъанды.

СССР-ни 500 мингден аслам адамы, Чернобыль АЭС-де болгъан чарпыу саулукъгъа уллу заран салгъанын да ангылай тургъанлай, радиация джайылмазча этиуге тири къошулгъанды. Аланы арасында Къарачай-Черкесиядан 1200-ге джууукъ адам болгъанды. Бюгюн биз заранны тыяр мадарла этиб кюрешген аскерчилеге, от джукълатыучулагъа, къурулушчулагъа, медицина къуллукъчулагъа, башха къайгъырыулу адамлагъа разылыгъыбызны билдиребиз. Ала керти джигитлик, ётгюрлюк танытхандыла. Сёзсюз да, сизни джигерлигигиз бла антыгъызгъа кертилигигиз болмаса, Чернобыль АЭС-де болгъан палахдан джарсыгъанланы саны андан да кёб боллукъ эди.
Замансызлай ёлген джердешлерибизге сый бере, аланы ётгюрлюклерин, джигитликлерин эсибизде тутаргъа сёз беребиз. Саулагъа узакъ ёмюр, саулукъ, насыб теджейбиз!

Къарачай-Черкес Республиканы Башчысы
ТЕМРЕЗЛАНЫ Рашид
Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.