Арттотур (апрель) айны 18-ден хычаман (май) айны 3-не дери «Экосистема» къозгъалыу эмда Джаш тёлю ишлени хакъындан федерал агентство «Мы за чистоту» деген ат бла акция бардырлыкъдыла.

Ол акциягъа Къарачай-Черкесия да къошуллукъду. Аны Къарачай-Черкес Республиканы Табигъат байлыкъла бла экология министерствосу бла «Экосистема» деген къозгъалыуну регионал бёлюмю къурарыкъдыла. Аны баш ишлери арттотур (апрель) айны 24-де, республикан мамматлыкъны кюнюнде, бардырыллыкъдыла. Тазаланныкъ джерлени ишни къурагъанла белгилерикдиле. Бу ишге хар адам да къошулургъа боллукъду. Аны ючюн экологироссии.рф порталда эсебге тюшерге керекди. Ол порталда Къарачай-Черкес Республиканы джеринде этиллик ишле белгилениб салыннгандыла.
Аланы арасында «Экологическое благополучие» деген миллет проектни бир кесеги болгъан «Вода России» деген акцияны тамалында суу объектлени джагъаларында къураллыкъ тазалау ишлени тизими да барды.
Къурагъанлагъа эмда ол ишге къошулгъанлагъа машокла, къол къабла берилликдиле.

(Бизни корр.).