Къарачай-Черкес Республиканы Къарачай районуну прокуратурасы 55 джыл болгъан джергили джашагъан бир адамгъа ачылгъан терслеу ишни сюдге ийгенди. Ол хыйлалыкъ этгенди деб терсленеди.

Анга терслеу иш прокурор тинтиулени тамалында ачылгъанды. Терсленнген адам, юй бийчеси билмегенлей, сакъат сабийге къаралгъаны ючюн, кърал берген социал тёлеулени кесине джаздыргъанды. Къралдан ачха алгъанлыкъгъа, сакъат къызына джоюм этмегенди, къарамагъанды. Законну бузуб, 2024-чю джылны арттотур (апрель) айындан башлаб, 2025-чи джылны эндреуюк (декабрь) айына дери ол ётюрюк бла 680 минг сом ачханы кесине алгъанды.
Аны бла байламлы терслеу ишге Къарачай районну сюдюнде къараллыкъды.