Муниципал къуллукъну сыйлы ишчилери бла ветеранлары!
Сизни санагъат байрамыгъыз бла алгъышлайбыз!

Кеси башларына оноулу джергили органланы кюню 2012-чи джыл РФ-ны Президенти Владимир Путинни Указы бла къуралгъанды. Алай а аны тарихи 1785-чи джыл арттотур (апрель) айны 21-де Екатерина II-чи «Жалованная грамота городам» деген буйрукъну чыгъаргъан кюнден бери башланады. Ол шахар бирлешликлеге кеси башларына оноу этерге эркинлик берген Эресейни тарихинде биринчи закон акт болгъанды.
Бюгюнлюкде джергили власть органла халкъгъа эм джууукъдула. Шахарлада, элледе, станселеде джашагъан джердешлеригизни излемлерин, джарсыуларын сизден иги билген джокъду. Алай бла, муниципалитетлени джетишимлери, ёсюм алгъанлары сизни ишигиз, джууаблылыгъыгъыз, къайгъырыуугъуз бла байламлыды. Туризм, эл мюлк, промышленность, гитче эмда орта бизнес муниципал къуралышлада джаратылыб, республиканы экономикасыны тамалы боладыла. Урунууну сюйген, туугъан джуртларына къайгъыргъан адамла Къарачай-Черкесия бла Эресейни уллу байлыгъыдыла.
Кеси башларына оноулу джергили органланы къуллукъчуларыны барына да, ишлерин бет джарыкълы баджаргъанлары эмда республикабызны айнытыргъа кюрешгенлери ючюн, джюрек разылыгъыбызны билдиребиз. Мындан ары да джангы джетишимлеге ие боллукъсуз деб ышанабыз.

Къарачай-Черкес Республиканы Башчысы
ТЕМРЕЗЛАНЫ Рашид
Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.