Багъалы джердешле, православ дин ахлула!
Сизни уллу Пасханы джарыкъ байрамы бла таза джюрекден алгъышлайбыз!

Христиан динни джоругъунда ораза тутуб тазаланыу, тилек тилеу, ашхы ишле этиу джюреклени насыбдан, ышанмакълыкъдан, джарыкъ сезимледен толтурады.
Пасха джууукъла-тенгле бирге джыйылыб, бир-бирлерине къайгъырыу танытхан, сюймекликлерин сездирген кёзюудю. Ол бизге халал джюреклилик, къыйын кёзюуде бир-биринге билек болуу дегенча адамлыкъ шартланы магъаналы болгъанларын эсибизге салады. Ол шартла бары да кёб миллетли къралыбызда болгъан динлени адамларында да бардыла.
Ма алай, бир юйдегича, ата-бабаларыбызны айтханларын да эсге алыб, бирлигибизни сакъларгъа керекбиз. Сёзсюз да, бирикмеклик, миллетле арасы джарашыулукъ, бир-биринге сый бериу дегенча затла джамагъатны ёсюмюню тамалыдыла.
Бу байрам кюнледе барынга да саулукъ-эсенлик, джетишимле, ашхылыкъла теджейбиз. Джашауугъузда къуру да игиликле, къууанч кёзюуле болсунла. Джюреклеригиз иймандан, джашауугъуз да ашхы ишледен толсунла!

Къарачай-Черкес Республиканы Башчысы
ТЕМРЕЗЛАНЫ Рашид
Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.