КъЧР-ни Башчысы Темрезланы Рашидни аманаты бла бу кюнледе Къарачай шахар округда СВО-гъа къошулгъанланы юйдегилери бла тюбешиу болгъанды.

Тюбешиуге КъЧР-ни урунуу бла социал ёсюмюню министри Хачирланы Исмаил, аны орунбасары Хубийланы Фатима, КъЧР-ни Саулукъ сакълау министерствосуну уллайгъан къауумгъа медицина болушлукъ этиуню хакъындан бёлюмюню тамадасы Батчаланы Бэлла, Къарачай шахар округну мэри Къушджетерланы Спартак, «Защитники Отечества» деген кърал фондну регионал бёлюмюню тамадасыны орунбасары Хубийланы Руслан, Эресейни МВД-ны Къарачай шахарда бёлюмюню тамадасыны орунбасары полицияны подполковниги Чотчаланы Радмир, РФ-ны Тинтиу комитетини КъЧР-де Тинтиу управлениесини Къарачай шахарда бёлюмюню тамадасы юстицияны подполковниги Иван Чумаченко, Эресейни Социал фондуну КъЧР-де бёлюмюню Къарачай шахарда клиент къуллугъуну тамадасы Биджиланы Любовь, Къарачай шахарны эмда Къарачай районну аскер комиссарыны тамада болушчусу Французланы Любовь, КъЧР-де МСЭ бюрону келечилери, шахар округну администрациясыны къуллукъчулары, аскерчилени юйдегилери къошулгъандыла.
Тюбешиуню кёзюуюнде СВО-гъа къошулгъанлагъа, аланы юйдегилерине социал, психология эмда медицина болушлукъ этиуню, гуманитар болушлукъну, тас болгъан аскерчилени излеуню дагъыда башха магъаналы ишлени юслеринден сёлешиннгенди.
Аскерчилени адамлары, тюбешиуде соруула бериб, тынгылы джууабла табхандыла. Хар бир соруугъа, джарсыугъа эс бёлюннгенди. Алайда белгиленнген джарсыуланы ведомствола бла управлениеле эсебге алгъандыла.
«Аскер къаугъагъа къошулгъанлагъа, аланы юйдегилерине не джаны бла да болушлукъ этиу баш ишлерибизни бириди. Тёзюмлюлюклери, джигитликлери ючюн, аскерчилени юйдегилерине разылыгъымы билдиреме. Бюгюнлюкде ётгюрлюк танытыб, Ата джуртубузну къоруулаб кюрешген джердешлерибиз бла ёхтемленебиз. Хорлам бизники боллукъду!» – дегенди Къарачай шахар округну мэри Къушджетерланы Спартак.

САЛПАГЪАРЛАНЫ Умар.