Ол затны юсюнден Россия Федерацияны Къурулуш бла фатар-коммунал мюлкюню министерствосу билдиргенди.
Айтыргъа, 2017-чи джыл Къарачай-Черкес Республикада 207,3 минг квадрат метр хайырланыугъа берилгенди – ол сандан 17-си кёб фатарлы юйледиле, аланы площадлары 129,5 минг квадрат метр барды; 449-зу энчи юйледиле, аланы бютеулей площадлары 77,8 минг квадрат метр болады.
Росстат фатар къурулуш 2017-чи джыл къаллай бир болгъанын басмалагъанды. Эсебле кёргюзгеннге кёре, 78,6 миллион квадрат метр фатар ишленнгенди.
2016-чы джыл бла тенглешдиргенде, эконом класс фатарны саны 44,4 миллион квадрат метрге аслам болгъанды. Энчи юйлени ишлеу да къызыу джюрюш бла баргъанды – ол 32,7 миллион квадрат метрге дери ёсгенди, 2016-чы джылдан эсе 2,6 процентге аслам болуб, бютеулей да фатар къурулушну 41,6 процентин тутханды.
