Багъалы джердешле! Сыйлы муслиман джамагъат! Барыгъызны да таза джюрекден Ораза байрам бла алгъышлайбыз!

Ораза байрам сыйлы Рамазан ай тамамланнганын белгилейди. Дин ахлу адамлагъа ол кёб ёмюрлени узагъындан келген, дунияны башында муслиманланы барын да бирикдирген дин адетлеге кертиликни белгиси болгъанды. Рамазан айны ичинде адамла ораза тутхан бла къалмай, ийманларын бегитгендиле, тилек тилегендиле, ашхы ишле этерге талпыгъандыла, къыйын болумгъа тюшгенлеге болушлукъ этиуде бирикгендиле. Хар кимни да этген къуллугъу къабыл болсун.
Бюгюн хар юйню эшиклери къонакълагъа ачыкъдыла – джууукъла, тюрлю-тюрлю миллетле бла динлени келечилери, хоншула, тенгле бирге джыйылыб, быллай магъаналы байрамланы бирге белгилейдиле.
Къарачай-Черкесияны Муслиманларыны дин управлениеси бла дин ахлу адамланы бары да, сууаблыкъ ишлени бардырыугъа къошулгъанлары, къарыусуз джашагъанлагъа болушханлары, республикада миллетле эмда динле арасы джарашыулукъну сакълаугъа юлюш къошханлары ючюн, разылыгъыбызны билдиребиз.
Ораза байрам хар юйге насыб, берекет, ийман байлыкъ келтирсин. Келир бу заманнга да къууанч бла джетейик!

Къарачай-Черкес Республиканы Башчысы
ТЕМРЕЗЛАНЫ Рашид
Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.