Озгъан орта кюн РФ-ны Правительствосуну Председателини орунбасары Марат Хуснуллинни башчылыгъы бла къралны регионал ёсюмюню хакъындан комиссиясыны кенгеши болгъанды.

Москвада бардырылгъан кенгешге видео байламлылыкъны кючю бла КъЧР-ни Башчысы Темрезланы Рашид, Правительствосуну Председатели Мурат Аргунов дагъыда башхала къошулгъандыла.
Кенгешде РФ-ны Правительствосуну Председателини орунбасары Къарачай-Черкесия, къурулушну тири бардырыб, хайырланыугъа юйле бериуде Эресейни 21 алчы регионуну бири болгъанын чертгенди. Ол аны юсюнден РФ-ны Президенти Владимир Путиннге да билдиргенин айтханды.
Кенгешде джылыу берген кёзюуню тынчлыкълы ётдюрюуню, келир чакъгъа хазырланыуну юсюнден да сёлешиннгенди.
Марат Хуснуллин, адамла агъачлы, асыулу ишле (услуги) бла хайырланыр ючюн, айтылгъанны таймаздан этиб барыргъа кереклисин чертгенди.
Аны юсюнден КъЧР-ни Башчысы Темрезланы Рашид: «Джылыу берген, суу бла баджаргъан системалагъа, предприятиелени финанс-экономика кёргюзюмлерине, тариф политикагъа, инвестициялагъа кюн сайын да эс бёлгенлей, къарагъанлай турургъа керекди», – дегенди.