Хурметли иш нёгерлерибиз, Терроризмге къаршчы кюреш бардыргъан миллет комитетни келечилери, Къарачай-Черкесияны Терроризмге къаршчы комиссиясы бла Оператив штабыны къуллукъчулары!
Сизни Терроризмге къаршчы кюреш бардыргъан миллет комитетни (НАК) 20-джыллыгъы бла алгъышлайбыз.
2006-чы джыл НАК-ны къурауну юсюнден бегим чыкъгъаны бла тарих магъаналы оноу этилген эди. 2000-чи джыллада болгъан къыйынлыкъла, Беслан да аланы ичинде, бютеу къралда терроризмге къаршчы кюреш бардырлыкъ система амалсыз къуралыргъа кереклисин ачыкъ этген эдиле. 20 джылны ичинде комитет, тюрлю-тюрлю джорукъ сакълаучу органла бла ведомстволаны бирикдириб, федерал аралыкъда эмда Эресейни хар бир субъектинде ишни кереклисича къураб, кесини файдалылыгъын кёргюзгенди.
Бюгюнлюкде Терроризмге къаршчы кюреш бардыргъан миллет комитетге Эресейни ФСБ-ны директору Александр Бортников башчылыкъ этеди. НАК – ол уллу кючю болгъан коллегия органды, къоркъуулу болумлагъа терк эс бёлюр мадары барды. ФСБ-ны, МВД-ны, Эресей гвардияны, башха ведомстволаны биригиб ишлегенлерини себебинден болум иги джанына тюрленнгенди, терактланы саны азайгъанды, халкъла арасы уллу ишлени – Сочиде Олимпия оюнланы, футболдан дунияны чемпионатын дагъыда башхаланы – бардыргъан кёзюуде къоркъуусузлукъ баджарылгъанды.
Къарачай-Черкес Республикада Терроризмге къаршчы комиссия бла Оператив штаб мийик дараджада ишлейдиле. Регионну къоркъуусузлугъун баджарыуда аланы ишлери баш орунну аладыла. Барыбыз да биригиб, туугъан джерибизде рахатлыкъны, джорукъну, джердешлерибизни джашауларын, тынчлыкъларын сакълайбыз. Бюгюнлюкде, кибертерроризм, социал сетледе вербовка этиу, пилотсуз учхан технологияла бла диверсияла этиу дегенча къоркъуулу болумла орун алгъан кёзюуде, бизни сакълыгъыбыз бла алагъа къаршчы турургъа хазырлыгъыбыз мийик дараджада болургъа керекди. Джаш тёлю бла профилактика ишле бардырыуну, аланы радикал идеологиядан сакълауну магъанасы уллуду.
Терроризмге къаршчы кюреш бардыргъан миллет комитет, аны регионал структуралары мындан ары да бютеу Эресейде эмда Къарачай-Черкесияда рахатлыкъны, мамырлыкъны сакълау, джамагъатны къоркъуусузлугъун баджарыу ишлени деменгили бардырлыкъларына ышанабыз.
НАК-ны къуллукъчуларына эмда ветеранларына, Ата джуртларына халал къуллукъ этгенлери ючюн, джюрек разылыгъыбызны билдиребиз. Сизге кючлю саулукъ, ишигизде джетишимле теджейбиз.
Къарачай-Черкес Республиканы Башчысы
ТЕМРЕЗЛАНЫ Рашид
Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.
