Багъалы тиширыула!
Барыгъызны да 8-чи Март байрам бла – Тиширыуланы халкъла арасы кюню бла – таза джюрекден алгъышлайбыз!

Бу байрамгъа биз артыкъ да бек джарыкъ тюбейбиз, ол кюн тиширыулагъа ариу сёзле айтыргъа, разылыгъыбызны билдирирге ашыгъабыз. Сиз джашауубузну джарыкъ этесиз, ашхы ишлеге, джангы джетишимлеге учундурасыз. Терен акъылыгъыз, оюмугъуз, чомартлыгъыгъыз бла хар юйде джарашыулу болум къурайсыз. Арый-тала билмегенигиз бла уа сиз тюрлю-тюрлю санагъатлада джетишимли боласыз.
Къарачай-Черкесияда ашхы тиширыула – къайгъырыулу анала, юй бийчеле, фахмулу устазла, врачла, маданият къуллукъчула, табышлылыкъ иш бла кюрешгенле, джамагъат алчыла – джашагъанлары бла ёхтемленебиз. Къайда урунсагъыз да, сиз ишигизни тамам кёлюгюз бла этесиз, джууаблылыкъ эмда талпымакълыкъ танытасыз.
Бизни аскерчилерибизни аналары бла юй бийчелерине айырыб уллу бюсюреу этебиз. Ала Ата джуртну къоруулагъан джашлагъа джюрек джылыуларын бергенлей турадыла. Сизни аскерчилеге кёл бергенигиз алагъа аскер борчларын сый бла толтурургъа болушадыла. Ётгюрлюгюгюз эмда тёзюмлюгюгюз ючюн, сау болугъуз.
Мындан ары да биз тиширыулагъа, юйдегилеге да къайгъыргъанлай, къоркъуусуз джашау эмда таблыкъла къурагъанлай турлукъбуз.
Багъалы тиширыула! Сизни джазны джарыкъ байрамы бла алгъышлай, кючлю саулукъ, чексиз насыб те-
джейбиз. Этген ашхы муратларыгъыз толсунла! Хар кюн сизге джылыу эмда джууукъларыгъызны сюймекликлерин келтирсин. Юйлеригизде рахатлыкъ, мелхумлукъ, берекет орналсын. Байрамыгъыз бла, багъалы тиширыула!

Къарачай-Черкес Республиканы Башчысы
ТЕМРЕЗЛАНЫ Рашид
Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.