Къарачай-Черкес Республиканы Ич ишлени хакъындан министерствосуну Тинтиу управлениесини тинтиучюсю РФ-ны УК-ны 210-чу статьясыны 1-чи, 2-чи бёлюмлеринде белгиленнген аманлыкъ ишле этилгенлери бла байламлы терслеу ишле ачханды.

Къарачай-Черкес Республиканы МВД-ны, Эресейни ФСБ-сыны регионал управлениесини къуллукъчулары ол аманлыкъланы Орта Азияда къралланы биринден джетеулен бирге этгенлерин ачыкълагъандыла.
Алгъаракъда билдирилгеннге кёре, полициячыла ишекли болгъан адамларын Ставрополь шахарда тутхандыла. Алгъа ачыкъланнганнга кёре, аманлыкъчыла Эресей Федерацияны бир къауум субъектини джеринде тюрлю-тюрлю наркотиклени сатхандыла. Къарачай-Черкес Республикада ала джашагъан, джашыртын асырагъан джерлеринде 10 килограммдан аслам наркотик табылгъанды. Аны ичинде метадон, мефедрон, героин аны кибик аланы терсликлерине шагъатлыкъ этген башха затла табылгъандыла. Эресей Федерацияны Тинтиу управлениесини бу иш бла байламлы законуну тамалында терслеу иш ачыб, аланы алтысын тутхандыла.
Андан ары бардырылгъан оператив-тинтиу ишлени кёзюуюнде ачыкъланнганнга кёре, ол аманлыкъчы къауумну къурагъан 26 джыл болгъан тыш къраллы адам болгъанды. Ол 2025-чи джылны башил (январь) айындан башлаб, аланы наркотиклени къалай асыраргъа, сатаргъа боллугъуна юретиб тургъанды.
Тинтиу ишле бардырыла турадыла. Бусагъатда ол аманлыкъ ишни къурагъан, бардыргъан адам къалайда болгъанын ачыкълар мадарла этиледиле.