Аскер къаугъагъа къошулгъан джердешлерибизге эмда «Доммай» бёлекни аскерчилерине бизни республика кёзюулю гуманитар болушлукъ ашыргъанды.

Сёзсюз да, кёб заманны зыраф болмазлыкъ ашдан, азыкъдан сора да джюкню къурамына генераторла, джылытхан приборла, техника мадарла киргендиле. Джюкню хазырлагъан кёзюуде СВО-гъа къошулгъанланы излемлери да эсге алыннганды.
Хорламны келирин ашыгъыб сакълагъан адамла 1000-нге джууукъ хычын да ашыргъандыла. Алайды да, байрым (февраль) айны 23-де, Ата джуртну къоруулаучуну кюнюнде, «Биз биргебиз» деген Эресей бирлешликни джергили бёлюмю аскерчилеге бу саугъаны этгенди.
КъЧР-ни джаш тёлю ишлерини хакъындан министри Тотуркъулланы Ибрагим айтханнга кёре, гуманитар джюкню тыйыншлы джерине министр кеси элтиб келгенди. Аны хазырлаугъа кърал органла, регионну шахарлары бла районлары, джамагъатха джумуш этерге сюйгенле, табышлылыкъ иш бла кюрешгенле тыйыншлы юлюш къошхандыла.
«Доммай» аскер бёлекни келечиси Арсен Тлисов кесини тенглерини атындан разылыгъын билдиргенди.