Мындан алда Къарачай-Черкес Республиканы боксдан спортчулары, Боксну миллет студент лигасында хорлаб, 2 алтын, 3 джез медаль алгъандыла.

Махтаулу тренер Леонид Антонюкну эсгериуге аталыб бардырылгъан ол эришиу Симферополь шахарда байрым (февраль) айны 9-дан – 16-на дери бардырылгъанды.
Алтын медалланы 52 килограмм ауурлукъда Къозбаланы Динислам, 70 килограмм ауурлукъда Байрамукъланы Ислам, джез медалланы 46 килограмм ауурлукъда Лайпанланы Альберт, 54 килограмм ауурлукъда Давид Середин, 80 килограмм ауурлукъда Ахмед Дышеков алгъандыла.
Алай бла, джетишимли спортчуларыбызгъа джаш адамланы арасында Эресейни биринчилиги ючюн бардырыллыкъ эришиулеге къошулургъа джол чыкъгъанды.
Ол эришиуле Чеховода арттотур (апрель) айда бардырыллыкъдыла. Спортчуланы тренерле Чекуналаны Арсен, Джандубайланы Альберт, Шаханланы Осман хазырлагъандыла.
15-16 джыл болгъан къызланы араларында бардырылгъан эришиулеге Эресей Федерацияны 12 регионундан 118 спортчу къошулгъанды.

Узеирланы Хусей.