Сбербанкны «Вклад в будущее» деген сууаблыкъ фондуну «Цифровой ликбез» деген саулай Эресейде толтурулгъан проектини джангы сезону байрым (февраль) айны 2-ден алтотур (март) айны 1-не дери барлыкъды.

Проектни РФ-ны Цифра ёсюмюню эмда Билим бериу министерстволарыны болушлукълары бла «Цифровая экономика» АНО толтурады. Кеси да «Цифровая экономика» миллет проектни «Кадры для цифровой экономики» деген федерал проектин эмда «Экономика данных» миллет проектни ышыгъы бла бардырылады.
«Цифровой ликбез» билим бериу проектди. Аны тамалында цифра билим бла кибер къоркъуусузлукъдан дерсле бардырыллыкъдыла. Ол дерследе сабийле, уллула да цифра технологияла бла байламлы билимлерин ёсдюрлюкдюле, интернетде къоркъуусузлукъну юсюнден кёбюрек хапар билликдиле. «Цифровой ликбез» проект мультипликация роликле бла устазлагъа джораланнган методика материалладан къуралады. Анга видеороликлени белгили цифра компанияла – «Вклад в будущее» сууаблыкъ фонд, ВКонтакте, СКБ Контур, «Лаборатория Касперского», Авито, Яндекс, «Ростелеком» дагъыда башхала – хазырлайдыла.
Быйыл Сбербанкны «Вклад в будущее» фондуну усталары «Учись честно», «Умная выгода», «Дропперство: что это и чем опасно» (бу видеоролик Сбербанкны кибер къоркъуусузлукъ департаментини болушлугъу бла тюшюрюлгенди) деген темалагъа юч мультипликация роликни теджерикдиле. Видеороликлени биргелерине методика материалла да хазыр этилгендиле. Ала интернетде къоркъуусузлукъгъа юретедиле, кеслери да джыллары 6-дан атлагъанлагъа джораланадыла. Сабийлеге видеороликле ата-анала бла неда устазла бла къараргъа теджеледиле. Проектни материалларын «Институт изучения детства, семьи и воспитания» ФГБНУ къабыл этгенди. Ала бла, https://digital-likbez.datalesson.ru/ сайтха кириб, ким да хайырланыргъа боллукъду.

Газетни информацион къуллугъу.