«Лыжня России» деген аты бла 44-чю бютеу Эресейде бардырылгъан ачыкъ спорт эришиулеге бизни республика да къошулгъанды. Ол акцияны тамалында бу кюнледе Доммай посёлокда аякъ чаналада эришиуле ётгендиле.

Быллай спорт байрам хар джыл сайын къралыбызны 70-ден аслам регионунда бардырылады. Бу джол Доммайда саулукъларын спорт бла чыныкъдырыргъа сюйген экиджюзден аслам адам лыжа трассалада учуб, уста болгъанларын кёргюзгенди.
Ол устала Эресейни башха регионларында тюз джерледе сынагъан эселе болумларын, энди бизни джуртлада тауланы къарлы джолларында сынайдыла.
Алайды да, акциягъа къошулгъан аякъ чаначыларыбыз тамам кеслерине базыб чыкъгъандыла трассалагъа. Бир къауумла Доммайны таулу джерлеринде учаргъа кеслерине базмагъанлыкъгъа, аякъ чаналада уста учуб кёбле кёргюзгендиле. Спортну бу тюрлюсюнде мийик дараджагъа чыгъаргъа мийик тауланы джоллары чырмау болмагъанларын бизни спортчуларыбыз энтда бир кере ачыкъ танытхандыла.
Эришиуле тамам байрам халда къуралыб, республикабызда джашагъанланы бирлешдирирге, джомакълы тау джуртубузда таза хауада саулукъларын багъаргъа себеб болгъаны хакъды. Бизни джуртлагъа солургъа келген къонакъла, джаратханларын билдириб, энтда келиб тауланы ариулугъунда зауукъланыб кетериклерин сайтлада джазыб билдиргенлей турадыла бюгюн да.

(БИЗНИ КОРР.).