Мындан алда Эресей Федерацияны Миллет гвардиясыны Къарачай-Черкесияда управлениесини «Мустанг» деген ОМОН-ну командирини орунбасары, полицияны полковниги Мурат Э. Черкесскеде 15-чи номерли школда Ата джуртдан тышында аскер къуллукъларын баджаргъан аскерчилени эсгериуню кюнюне аталыб бардырылгъан ишге къошулгъанды.

Ары баргъанланы арасында афган къазауатны ветеранлары, атала, анала, джамагъат бирлешликлени келечилери, устазла болгъандыла. Алайда сохталагъа Къарачай-Черкесиядан Афганистанда мингнге джууукъ адам къуллукъ этгенин, аланы 42-си юйлерине сау къайтмагъанларыны юсюнден айтхандыла.
Мурат Э. сабийлеге 37 джылны мындан алда совет аскерле Афганистандан чыгъарылгъанларыны, аллай бир заманны ичинде 14 минг ветеран ауушханыны, аланы 11 минги тюрлю-тюрлю аурууладан, джараладан ёлгенлерини, башсыз тас болгъанларыны юсюнден хапар айтханды. Школчула Къарачай-Черкес Республиканы 300 адамы, къазауатда кёргюзген джигитликлери, эркишиликлери ючюн, орденле бла, медалла бла саугъаланнганларын да билгендиле. Алайда Афганистан бла байламлы дагъыда талай затны юсюнден хапар айтылгъанды.
Джыйылгъанла, ёлгенлени эсгере, алагъа сый бере, ёрге туруб, бир такъыйкъаны шошлукъгъа бёленнгендиле.

Коваленко А.,
Эресей гвардияны Къарачай-Черкесияда управлениесини пресс-къуллугъуну джууаблы толтуруучусу, полицияны сержанты.