Мындан алда РФ-ны Экономика ёсюмюню министерствосуну Регионланы айнытыуну хакъындан департаментини тамадасы Андрей Толмачевну башчылыгъы бла казаначействону кредитлерин хайырландырыуну юсюнден кенгеш болгъанды.

Анда Шимал Кавказны регионлары казначействодан кредитле алыргъа берген тилек къагъытла сюзюлгендиле, кредит ачхагъа толтурургъа джараулу проектле айырылгъандыла.
Ол кенгешге КъЧР-ни Правительствосуну Председатели Мурат Аргунов, КъЧР-ни вице-премьери Орусланы Марат, республиканы къурулуш бла ЖКХ-ны хакъындан министри Ёзденланы Рашид, финансларыны хакъындан министри Вадим Камышан да онлайн халда къошулгъандыла.
Мурат Аргунов казначействодан кредитле алыб баджарыр муратда салыннган республикан проектлени кёргюзгенди. Ол проектле Къарачай-Черкесияны ара шахары бла курорт джерлеринде инженер эмда туризм инфраструктураны джарашдырыугъа аталгъандыла. Премьер-министр аланы кёргюзген заманда ол проектле Къарачай-Черкесияны айныууна да, туристлеге джангы таблыкъла къураугъа да, аланы бери кёллендириуге да себеблик этериклерин чертгенди.