Эресейни Почтасы байрым (февраль) айны 1-ден аууз-герги (октябрь) айны 9-на дери «Лучший урок письма – 2026» деген конкурсну бардырады.

Конкурсха школланы сохталары, колледжлени, кадет корпусланы, училищелени, суратлау студияланы, ВУЗ-ланы студентлери, устазла, республиканы сабий чыгъармачылыкъ эмда джаш тёлю джамагъат бирлешликлерини тамадалары къошулургъа боллукъдула.
– «Лучший урок письма – 2026» деген конкурс Москвада М.В. Ломоносов атлы кърал университетни, Социал-маданият башламчылыкъланы фондуну, Эресейни связь къуллукъчуларыны профсоюзуну болушлукълары бла бардырылады. Аны баш мураты – сабийлеге оюмларын къагъытха тюшюрюрге юретиу, письмо джазыу жанргъа эс бёлдюрюу, ёсюб келген джаш тёлюге ана тилни магъанасын ангылатыу. Аны бла бирге конкурс устазлагъа письмо джазыудан дерслени методикасын къураргъа, усталыкъларын, фахмуларын танытыргъа да болушурукъду, – деб билдиредиле конкурсну къурагъанла.
Конкурс «Мы рождены, чтоб сказку сделать былью!», «Письмо добра. Мой дружный класс», «Я из династии почтовиков», «Есть такая профессия – Родину защищать», «Рецепты счастливой семьи» деген номинациялада бардырылады. Аны тышында письмо джазыудан эм иги дерс берген устазлагъа да энчи номинация къуралгъанды.
Джаш тёлюню арасында письмо джазыудан бардырылгъан 55-чи халкъла арасы конкурсха атаб, Бютеудуния почта союз «Напишите письмо другу о том, почему человеческие связи так важны в цифровом мире» деб энтда бир номинация къурагъанды. Бу наминациягъа конкурс ишлени арттотур (апрель) айны 10-на дери джиберирге боллукъду.
Жюри письмону темасы къалай ачыкъланнганына, аны авторуну оюмуна дагъыда аны кибик затлагъа багъа берликди. Эм иги ишлени авторлары дипломла бла саугъаланныкъдыла. Алагъа саугъала да берилликдиле. Конкурсха къошулургъа излегенле къыркъар (август) айны 15-не дери кеслерини къол джазмаларын бу адрес бла джеберирге керекдиле: 125252, Москва, 3-я Песчаная орам, 2А мекям (конвертни юсюнде «На конкурс «Лучший урок письма» деб джазаргъа тыйыншлыды). Конкурс ишлени Этот адрес электронной почты защищён от спам-ботов. У вас должен быть включен JavaScript для просмотра. адрес бла электрон халда джиберирге да боллукъду.

Газетни информацион къуллугъу.