Уруп районну Преградна стансесинде Джарыкълыкъ юйню толу реконструкциясы, ремонту этилиб, мындан алда аны ачдыла. Ол къууанч джыйылыугъа Къарачай-Черкесияны Башчысы Темрезланы Рашид бла Правительствосуну къуллукъчулары баргъан эдиле. Уруп районну тамадалары, станседе джашагъанла да алайгъа джыйылгъан эдиле. Уруп районну Джарыкълыкъ юйю 1966-чы джыл ишленнгенди. Андан бери толу ремонт бир кере да этилмеген эди. Эшикле, терезеле, полла, мекямны къабыргъалары, башы чотдан чыгъыб, хал къарыусуз эди. Аны юсюнден документли кино да кёргюздюле. Бусагъатда уа, адам кёзюн алалмазча иги болгъанды. Ариу, джумушакъ шиндикледен толгъан уллу залы адамладан тыкъды. Кёб адам олтурур джер болмай, ёрге сюелиб, бетлери джарый, къууанч тыбырлы болуб, тёгерекге къарайдыла.
Биринчи сёз республиканы Башчысы Темрезланы Рашидге берилди. Ол сахнагъа чыгъыб, джыйылгъанланы джарыкъ байрамлары бла джылы алгъышлады.
«Россия Федерацияны Президенти В.В.Путин бютеукърал эмда миллет маданиятны сакъларгъа, ёсдюрюрге терен эс бёледи. Не ючюн десек, маданият къайсы бир миллетни да джаныды. Ол себебден район дараджада бардырылгъан быллай къууанч ишни уллу магъанасы барды. Озгъан джыл республикабызны эллеринде 12 джарыкълыкъ юй ишленнгенди эмда толу ремонт этилгенди. Биз, бусагъатда роликге къараб, бу Джарыкълыкъ юй озгъан джыллада къаллай болумда болуб тургъанын кёрдюк. Сабийлерибиз, чыгъармачылыкъ бла кюрешген бёлекле, устазла анда юрениб тургъандыла. Джыл джарымны ичинде адам танымазча тюрленнгенин кёресиз. Уруп районда былайы адамла бек излеген, кёб баргъан джер боллугъуна мен ишексизме. Бусагъатда бизни аллыбызгъа чыгъыб, назму окъугъан къызчыкъланы, ойнагъан коллективлени кёрдюгюз. Былайда аллай джаш джулдузла, фахмулу коллективле кёб боллукъларына мен толу ийнанама.
Адамла, шахарлада, элледе, къалайлада джашасала да, алагъа бирча болум къураргъа тыйыншлыды. Уруп район республикабызны эм узакъ районларыны бириди. Биз аны инженер инфраструктурасын ёсдюрюрге терен эс бёлгенлей турабыз. Районнга табигъат газ баргъанды. Уллу спорт комплекс ишленнгенди. Мындан ары да районну социал инфраструктурасыны ёсюмюню юсюнден тохтаусуз ишлерикбиз. Озгъан джыл «Зеленчук-Преградная» деген машина джолну толу ремонтун этиб башлагъанбыз. Быйыл аны тохтатыб къоймай, андан арысын бардырлыкъбыз. Быллай джангылыкъла Уруп районда джашагъанлагъа джангы учунуу, джюрек талпыу, джашау берликдиле. Уруп район, къыйын урунууну онглагъан джигер адамлары бла Къарачай-Черкесияны эм ариу районларыны бириди. Бу райондан чыкъгъан адамла бла республикабыз ёхтемленеди. Биз стансечилеге къууанч, саулукъ, мамыр джашау теджейбиз», - деди Темрезланы Рашид.
Андан сора республиканы Башчысы Къарачай-Черкесияны чемерлик бла маданиятыны ёсюмюне уллу юлюш къошхан талай адамгъа саугъала берди. «Урупчане» деген къазакъ халкъ хорну тамадасына, маданият санагъатда 40 джыл уруннган Виктор Усовгъа, «Къарачай-Черкес Республиканы культурасыны махтаулу къуллукъчусу» деген сыйлы ат атады. Районну маданият управлениесини методисти Ольга Угнивенко бла Джарыкълыкъ юйюню суратлау тамадасы Диналаны Аурика Башчыны къолундан Бюсюреу къагъытла алдыла. Темрез улу, Джарыкълыкъ юйню ачхычын аны директору Артур Гуцевге бергенден сора, бёлмелени ичлерине къараб, алада болгъан затланы кёрюб, разы болду.
Алада адамла заманларын зауукълу ашырырча, окъуу-юрениу ишле бардырырча керекли затла бардыла. Джарыкълыкъ юйню биринчи этажын таб джарашхан сахна бла адамла олтуруб къарагъан уллу зал джасайды. Кийим тагъыучу джери, театрал кабинети, башха ишлеге керекли джерле бардыла. Экинчи этажда тепсеу, окъуу залла, методика кабинет ишлейдиле.
Темрезланы Рашид алайдан иш бла Медногорск посёлокга барды. Анда «Пять шагов благоустройства монопрофильных образовательных поселений» деген программаны тамалында талай иш этилгенди. Башчы Медногорск посёлокда ара майданнга, скверге да къарады. Ара орам бла джюрюдю. Былайда республиканы бюджетинден ачха берилиб, Сабийле бла джаш тёлюню чыгъармачылыкъ юйюню къатында майданны реконструкциясы этилгенди. Асфальт тёшелгенди, бетон къуюлгъанды, адамла солурча башлары джабыкъ джерле ишленнгендиле, Wi-Fi салыннганды. Озгъан джылны апрель айында ара район больницаны тёгерегинде тротуарлагъа асфальт тёшелиб, аланы толу ремонтлары битгенди.
Темрезланы Рашид, ара орам къалай иги болгъанына къарай, посёлокну адамлары бла тюбешди. Ушакъны кёзюуюнде ала саулукъ сакълауда, фатар-коммунал мюлкде орун алгъан сорууланы бердиле.
Башчы, адамланы айтханларына тынгылаб, ол ишлеге джууаблы министрлеге къаты аманат этди. Адамла бла терен байламлылыкъ тутуб ишлер ючюн, Правительствону членлерине къысха заманны ичинде посёлокну джамагъаты бла тюбеширге борч салды. Алайда Темрезланы Рашид Медногорск посёлокну адамларына сабий майданчыкъны саугъа этерге деб бегим алды. Ол кюн огъуна Башчы Уруп районну эллерини тамадалары бла кенгеш бардырды.
Шахарланы эллени айбат этиуню джылында ала не зат этерге керек болгъанларын белгиледи.
«Сиз билгенча, быйыл Шахарланы, эллени айбат этиуню джылыды. Тюзюн айтсакъ, ол сиз хар биригиз, кюн сайын да этерге керекли ишди. Районланы, эллени мадарларын эсге ала, эм биринчи эллени иги этерге деб оноу этгенбиз. Алай республиканы бир эли да къалмай этилликди», - деди Темрезланы Рашид.
Башчы алагъа эллерин къалай иги этерге керегини паспортларын, джамагъат да къошулуб, терк заманда хазырларгъа кереклилерин айтды.
«Адамла кеслери эллерин айбатлы этерге къошулсала игиди. Аланы айтханлары, излемлери элни паспортунда болургъа тыйыншлыды. Бир адамны айтханы да саныз къалмазгъа керекди. Регионал властладан болушлукъ боллукъду. Алчылагъа саугъала берилликдиле. Ол бары да бизни адамланы социал джаны бла кёллерин кёлтюрюрге джораланыб этиледи», - деди республиканы Башчысы.
Темрезланы Рашид иги орам, иги юй арбаз деб конкурсла болсала, ашхы иш этиллигин чертди. Ол заманда, бардырыллыкъ ишлеге кёб адам къошулургъа боллугъун айтды. Республиканы алчы эллерине грант болушлукъ табдырыллыгъын да билдирди.
Алай бла быйыл Шахарла бла эллени айбат этиу бизни республикада баш сорууланы бири болгъанын чертиб айтды Темрезланы Рашид.
Кенгешни кёзюуюнде республиканы тамадаларына, эм узакъ элибизни Пхия посёлокну адамлары, «Дукка-Пхия» деген машина джол ишленнгени ючюн республиканы Башчысына бюсюреу этиб, разылыкъларын билдирдиле. Адамла энди Пхиягъа тынч, кёб заман къоратмай барадыла.
Дагъыда талай ишни оноуун этиб, Темрез улу кенгешни тамамлады.
«Сиз билгенча, быйыл Шахарланы, эллени айбат этиуню джылыды. Тюзюн айтсакъ, ол сиз хар биригиз, кюн сайын да этерге керекли ишди. Районланы, эллени мадарларын эсге ала, эм биринчи эллени иги этерге деб оноу этгенбиз. Алай республиканы бир эли да къалмай этилликди», - деди Темрезланы Рашид.
Башчы алагъа эллерин къалай иги этерге керегини паспортларын, джамагъат да къошулуб, терк заманда хазырларгъа кереклилерин айтды.
«Адамла кеслери эллерин айбатлы этерге къошулсала игиди. Аланы айтханлары, излемлери элни паспортунда болургъа тыйыншлыды. Бир адамны айтханы да саныз къалмазгъа керекди. Регионал властладан болушлукъ боллукъду. Алчылагъа саугъала берилликдиле. Ол бары да бизни адамланы социал джаны бла кёллерин кёлтюрюрге джораланыб этиледи», - деди республиканы Башчысы.
Темрезланы Рашид иги орам, иги юй арбаз деб конкурсла болсала, ашхы иш этиллигин чертди. Ол заманда, бардырыллыкъ ишлеге кёб адам къошулургъа боллугъун айтды. Республиканы алчы эллерине грант болушлукъ табдырыллыгъын да билдирди.
Алай бла быйыл Шахарла бла эллени айбат этиу бизни республикада баш сорууланы бири болгъанын чертиб айтды Темрезланы Рашид.
Кенгешни кёзюуюнде республиканы тамадаларына, эм узакъ элибизни Пхия посёлокну адамлары, «Дукка-Пхия» деген машина джол ишленнгени ючюн республиканы Башчысына бюсюреу этиб, разылыкъларын билдирдиле. Адамла энди Пхиягъа тынч, кёб заман къоратмай барадыла.
Дагъыда талай ишни оноуун этиб, Темрез улу кенгешни тамамлады.
ЛЕПШОКЪЛАНЫ Хусеин.
{jcomments}
