Ата джуртларын джауладан къоруулагъан аскерчилеге Къарачай-Черкесиядан кёзюулю гуманитар болушлукъ ашырылгъанды. Бу джол ол сууаблыкъ ишни Гитче Къарачай район этгенди.

– Биз, аскерчилеге не керекли болгъанын билиб, хазырлагъанбыз гуманитар джюкню. Алайды да, джашланы тилеклерин толтура, алагъа БПЛА «Булат» V-4 портатив детекторла, генератор, дарман-дары, кёрюнмезге мадар берген халатла, аш-суу, тюзде керекли болгъан затла ашыргъанбыз, – деб хапар айтханды районну администрациясыны тамадасы Байрамукъланы Рамазан.
Джюкню джыяргъа эмда буюрулгъан джерине табдырыргъа властны толтуруучу эмда закон чыгъаргъан органлары, саулукъ сакълау эмда окъуу-билим берген учреждениеле, Гитче Къарачай районну тирилик танытхан эмда игилик этерге тырмашхан адамлары болушхандыла.
Аскерчилени тилеклери бла дагъыда аскер къаугъагъа къошулгъанлагъа эки «Нива» автомобиль да джиберилгенди.
Былайда бир затны эсге салыргъа тыйыншлыды: Къарачай-Черкесиядан СВО-гъа баргъан болушлукъ КъЧР-ни Башчысы Темрезланы Рашидни башламчылыгъы бла къуралгъан республикан штабны юсю бла ашырылады.