Бу кюнледе «Кухня без границ» атлы проектни тамалында Черкесск шахарда Къарачай-Черкесияда джашагъан халкъланы хантларына аталгъан байрам болду.

Къууанчха аш-суу хазырлагъан усталары, экспертле эмда проектге къошулгъанла дагъыда тышындан башха къонакъла да келген эдиле. Анда къонакълагъа бизни регионда джашагъан миллетлени тин байлыкълары, маданиятлары, адетлери бла байламлы хантланы кёргюздюле.
– Бу тукъум проектле регионубузда туризмни айнытыргъа эмда аш-суу бла баджарыу ишлени тыйыншлы бардырыргъа кенг джол ачадыла. Дагъыда, бизни регионну маданият джаны бла башхалагъа ушамагъан энчилигин да кёргюзюрге себеблик этедиле, шахарларыбыз хар не джаны бла да айныб баргъанын кёргюзедиле, – деб чертдиле проектге къошулгъанла.
Къарачай-Черкесия, регионланы арасында биринчи болуб, бютеу Эресейде бардырылгъан бу проектни тамалында башлагъанды форумну. Ол эки ыйыкъны ичинде – быйыл башил (январь) айны 25-ден байрым (февраль) айны 7-не дери – саулай Шимал Кавказ федерал округну субъектлеринде бардырыллыкъды.
Пректни джоругъунда, миллет хантланы презентациясындан сора да, бу санагъатда кюрешген устала бла тюбешиу да болду. Ала Къарачай-Черкесияда гастроном туризмни эмда къонакъбайлыкъ индустрияны айнытыу бла байламлы магъаналы ишлени да сюздюле.

(БИЗНИ КОРР.).