Къарачай-Черкес Республикада джашау кечинмекни, 17 джылгъа дери сабийлеге, сылтаулу тиширыулагъа берилген пособиеле да аны ичинде болуб, ёлчеми ёсерикди.

Аны бла байламлы Социал фондну Къарачай-Черкес Республикада бёлюмю башил (январь) айдан башлаб, юйдегилеге болушлукъгъа тёлениучю ачханы ёлчемин ёсдюргенди. Энди аны ёлчеми юйдегини кереклисине кёре тергеледи.
Къарачай-Черкесияда 17 джылгъа дери сабийлеге орта тергеу бла бир айгъа не 8,6, не 12,9, неда 17,3 минг сом болгъанды. Бу сабий ачха джашау кечинмекни 50, 75, 100 процентиди. Ол а бизни республикада 17,269 минг сомду.
Алай бла, эм аз хайыр тюшген юйдеги этилген болушлукъну эм кёбюн аллыкъды. Бир къауум атала бла анала джангы марда бла бериллик биринчи болушлукъ ачханы байрым (февраль) айдан алыб башларыкъдыла.
Социал фондну регионал бёлюмю болушлукъ ачханы социал казначействону форматында буюргъанды.
Алай дегенибиз, Кърал болушлукъну порталына заявление джазылса болады, къалгъан керекли информацияны фондну усталары кеслери табадыла.
Болушлукъ ачха, бегим чыкъгъандан сора, 5 кюнню ичинде тёлениб тебрейди. Андан ары хар айны 3-де тёлениб турлукъду.
Сорууу болгъан адам, 8(800)100-00-01 телефон номерге къонгурау къагъыб, толу хапар билирге боллукъду. Регионал операторла баш кюнден байрым кюннге дери эртденбла сагъат 8-ден ингирде 5-ге дери ишлейдиле.

РФ-ны Социал фондуну  КъЧР-де бёлюмюню СМИ-ле бла байламлылыкъ тутхан къаууму.