Джёгетей Аягъы районну 4-чю номерли школунда «СВО-ну аскерчисине письмо» деб патриот акция бардырылгъанды. Ол «Есть такая профессия – Родину защищать!» деген спорт-кёбчюлюк эмда аскер-патриот ишни айлыгъыны тамалында ётгенди.

– Сабийле, аскерчилеге кёб джылы сёз айтыб, письмола джазгъандыла. Аны бла бирге суратла салгъандыла, алгъышлау открыткала хазырлагъандыла. Айхай да, аланы туугъан джуртларына сау-эсен къайтырыкъларына ийнаннганларын да билдиргендиле. Хар письмодан сабий джылыу урады. Ол зат аскер къаугъагъа къошулгъанлагъа кюч-къарыу берлигине, аланы джангы хорламлагъа учундурлугъуна ишек да джокъду, – дегенди Джёгетей Аягъы районну админист-
рациясыны башчысы Лайпанланы Мурат.
Бу джумушну юсюнде башламчылыкъ эмда тирилик 2-чи, 6-чы, 8-чи классланы сохталары танытхандыла. Ала хазырлагъан саугъаланы джергили волонтёр штабла бла аскер комиссариатла аскерчилеге табдырлыкъдыла.
КъЧР-де патриот ишлени айлыгъы башил айны (январь) 23-де башланнганды. Республиканы бютеу районлары бу джумушха тири къошулгъандыла. Аны эсеблерин чыгъаргъандан сора, хорлагъанла бла ёчлю орунланы алгъанла белгили боллукъдула.