Башил (январь) айны 22-де, 23-де Чечен Республиканы ара шахарында Б. Сайтиев атлы спорт къалада Шимал Кавказ федерал округну Биринчилиги ючюн эркин тутушдан эришиуле болгъандыла.

Ол эришиулеге къошулуб, ШКФО-ну алчысы болур муратда, Грозныйге 395 гёджеб джыйылгъанды. Анда къарыуларын сынаргъа излегенлени арасында бизни джердешибиз Эбзеланы Ахмат да болгъанды. Ахмат джыллары 18-ге дери, ауурлукълары 45 килограммгъа дери болгъанланы арасында, 5 кере тутушуб, 4 кере хорлагъанды. Алай бла, 3-чю орунну алгъанды.
Ёчлю оруннга тыйыншлы болгъаныны себебинден Эбзеланы Ахматха Эресейни Биринчилигине къошулургъа джол чыкъгъанды. Алайды да, энди джетишимли джердешибиз байрым айда Иркутскеде кърал дараджада ётерик эришиуледе къарыуун сынарыкъды. Бусагъатда аны тренерлери Азамат Пшнатлов бла Анзор Багов Эбзе улуну ары хазырлаб башла-
гъандыла.

(БИЗНИ КОРР.).