2026-чы джылда аскер къаугъагъа къошулгъанлагъа эмда аланы юйдегилерине болушлукъ этиу бла байламлы федерал законнга джангы къошакъла этилгендиле.

Айтыргъа, быйыл джылны аллындан бери джангы мадарла хайырландырылыб башланнгандыла. Сёз ючюн, 2026-чы джыл эндреуюк (декабрь) айны аягъына дери аскер къаугъагъа къошулгъанлагъа эмда аланы юйдегилерине кредит каникулла бериледиле. Аны бла бирге быйыл башил айны 1-ден башлаб, аскер къуллукъгъа къатышханлагъа улоу эмда джер бла байламлы джангы таблыкъла чыкъгъандыла.
Джыллары джетиб пенсиягъа чыкъгъан заманда аскер къаугъагъа къошулгъанлагъа, аскер къуллукъдан кетген заманда 20 джыл выслугалары болмагъанлагъа, СВО-да кёзюулери да саналлыкъды. Къыйын болумда аскер борчларын толтургъанлагъа асламыракъ ачха тёленникди.
Аскер къаугъадан къайтханла, энчи иш ачар ючюн, социал контракт бла хайырланыргъа да боллукъдула. Бу джумушну юсюнде ветеранны юйдегисине ортача къаллай бир ачха тюшгенине къарарыкъ тюлдюле.