Эресейни Почтасы адамлагъа табын излегенлей турады. Сёз ючюн, письмоланы эмда бандеролланы ашыргъан заманда Эресейни Почтасы кесини сайтында эмда приложениесинде тынч джолланы теджейди. Алайды да, энди онлайн-оплатасы болгъан адрес белгини почта бёлюмлени къайсы биринде да джабышдырыргъа боллукъду.

Алгъаракъда письмоланы ашыргъан заманда сайт-оплатаны адамла кеслери конвертге джабышдырыргъа керек эдиле.
Энди «Дополнительные услуги» деген бёлюмде адрес белгини чыгъарыб, ашыргъан затына джабышдырырча этерге мадар барды.
Ол джумушну оператор олтургъан джеринде этерге боллукъду, адам кеси аны этмеген эсе. Почтагъа джюрюгенле, аны бла хайырланнганла адрес белгини (ярлык) салабыз деб заманларын ашырлыкъ тюлдюле. Ала ючюн ол ишни почта бёлюмню къуллукъчулары тындырлыкъдыла.
Ол зат джоюмну аз этеди, ишни дженгиллетеди, къысхасы, адамла джумушларын терк эмда къыйналмагъанлай баджарадыла.