Черкесск шахарны башчылыгъы, хар затны таб эте, нени да законну-джорукъну тамалында джарашдыра барады.

Озгъан джыл Черкесскени джеринде Демиденко, Магазинная, Октябрьская, Свободы, Космонавтов орамлада джол джаны бла законну бузуб салыннган 716 реклама конструкция кетерилгенди, 565 предписание берилгенди.
Аллай ишле быйыл да этилликдиле. Черкесск шахарны мэри Алексей Баскаев билдиргенден, айны ахырына дери, шахарны айбатлыгъын бузгъан 15 объект кетерилликди.
Черкесскеде законну излемин бузмагъанлай реклама объектлени салыргъа джораланнган иш этиб къуралгъан джорукъ хайырландырылады.
Аны юсюнден толу хапарны Градостроительство бла архитектураны управлениесини тыш рекламагъа къарагъан бёлюмюнде соруб билир мадар барды. Бу ишге джууаблы устала документлени джарашдырыргъа да болушурукъдула. +7(8782) 28-12-71 телефон номерге къонгурау къагъыб, аладан толу хапар билирге боллукъду.

Газетни информацион къуллугъу.