Къарачай-Черкес кърал университетни студентлери «Студенческая лига АРБ» деген аскер къол тюйюшден бютеу Эресейден спортчула къошулгъан эришиуледе къарыуларын сынагъандыла.

Ол турнир Анапада 2025-чи джыл эндреуюк (декабрь) айны 14-де джыллары 18-ден – 20-гъа дери болгъанланы арасында бардырылгъанды.
Эришиулеге Эресейни 15 регионундан 100 спортчу къошулгъанды. Къарачай-Черкес кърал университет бла «Доберман» спорт клубдан ары Джуккаланы Замир, Джанкёзланы Арсен, Мамчуланы Ибрагим, Борлакъланы Азамат баргъандыла.
Эришиулени ахыр эсеблери кёргюзгенден, Джуккаланы Замир, 80 килограмм ауурлукъда хорлаб, алтын медаль алгъанды. Алай бла, ол аскер къол тюйюшден КъЧР-ни Федерациясыны атын махтау бла айтдыргъанды. Спортчуланы эришиулеге сынамлы тренер Вячеслав Яковлев хазырлагъанды.

(Бизни корр.).