Уллу юйдегини аналары, джылы келген тиширыу, къан басымы ёрге кёлтюрюлюб, тили чала башласа, юйде къызы, келини, джукъ болуб къалыр да деген къоркъууда, тёгерекге къарар акъылда, аналарындан кюбюрлени ачхычларын излейдиле.

Алай а тиширыу, джууаб берирге тилине айтханын этдирелмей, бармакъларын буруб турады... Талай заманны джатханада джатыб, юйюне иги болуб келсе, юйдегиси аналарына: «Бармакъларынг бла не айтыргъа излей эдинг?» – деб сорадыла. Тиширыу: «Сизге халпаманы тутарыкъ эдим, къарыуум джетмей эди ансы», – дейди...

Шыдакъланы Зарима.