Борлакъланы Марина, Рамазанны къызы, «Къобан» эл мюлк артелни башчысыды, Эресейни тиширыуларыны союзуну Къарачай-Черкес бёлюмюню тамадасыды, экономика илмуланы кандидатыды, КъЧР-ни эл мюлкюню махтаулу къуллукъчусуду, тёрт джашны анасыды.

Джангы 2026-чы джыл бла Марина республиканы тиширыуларын эмда бютеу джамагъатын таза джюрекден алгъышлайды:
«Джангы джылда барыгъызгъа да саулукъ, эсенлик, узакъ ёмюр теджейме. Рахатлыкъ бла мамырлыкъ бийлик этсинле, мелхумлукъ бла берекет арбазыгъыздан кетмесинле, игилик-ашхылыкъ юсюгюзню басыб турсунла, шам джуртубузгъа джылы джелле урсунла. Эркишилерибиз ышаннгылыла, джигитле болсунла. Тиширыуларыбыз назикле, субайла болсунла. Къартларыбыз сыйлы тёрде олтурсунла, сабийлерибиз насыбха бёленнгенлей ёссюнле.
Аллах хар адамны этген ашхы муратына джетдирсин!»