Эресейни Джазыучуларыны эмда Журналистлерини бирлешликлерини къурамында болгъан, «Золотое перо Руси» деген адабият миллет ёчню лауреаты Татьяна Браткова «Къарачай» газетни къуллукъчуларын эмда окъуучуларын алгъышлайды:

«Барынгы да джууукълашыб келген Джангы джыл бла алгъышлайма!
Ата джуртубузгъа, бютеу джамагъатха уллу хорламла, рахатлыкъ, ёсюм теджейме!
2026-чы джыл Эресейни халкъларыны бирлигини джылыды. Халкъ бирликни кюнюнде РФ-ны Президенти Владимир Путин арттотур (апрель) айны 30-да «День коренных малочисленных народов России», къыркъаууз (сентябрь) айны 8-де «День языков народов РФ» деген байрамланы белгилеуге аталгъан указлагъа къол салгъанды.
Эресейни бай тарихи аны кёб миллетли джамагъаты бир иннетде келишиулю джашагъанына шагъатлыкъ этеди. Шимал Кавказ да ол бирликни кюзгюсюдю. Мында тюрлю-тюрлю миллетлени, динлени келечилери, бир-бирлерини сыйларын кёре, бир-бирлерине билек бола, шох джашайдыла. Ол шохлукъну, келишиулюкню «Къарачай» газетни къуллукъчулары кеслерини статьяларында ариу суратлайдыла.
Эресейде ана тиллени сакъларгъа джараулу болум къуралгъанды. Ол ишге да «Къарачай» газетни къуллукъчулары уллу юлюш къошадыла. Мен «Достойные дети Отечества. Аллея героев», «Достойные дети Отечества. Педагогическая симфония Отечества» дагъыда башха китабларымы чыгъаргъан заманда «Къарачай» газетде меннге «джол тюзетирге» джарагъан кёб зат табхан эдим.
Алайды да, сизни «Къарачай» газетден Эресейни инджиси Къарачай-Черкесияны махтауун кёргюзюрге джараулу кёб затха юреннгенме.
РФ-ны Президенти Владимир Путин: «Биз бирикген бир миллетбиз, Эресейибиз да джангыз бирди», – деученди да. Мен да, деу Эресейни эмда джомакълы Кавказны джазыучусу, кесими китабларымда алай джазгъанлай турама».