Багъалы джердешлерибиз, православ дин ахлула!
Барынгы да джарыкъ эмда уллу байрам бла – Христосну (Исса файгъамбарны) туугъаны бла – таза джюрекден алгъышлайбыз!

Дин ахлу адамлагъа Христосну туугъаны православ байрамланы орузламасында тюз кюн болуб къалмай, джюреклени нюрден толтурады, тюзлюкге, сюймекликге чакъырады, юйдеги джылыуну магъанасын кёргюзеди. Байрамны белгилеуню адетлери, тёлюледен тёлюлеге сакъланыб, тарихибиз бла маданиятыбызны эсибизге саладыла.
Бизни кёб миллетле бла динлени келечилери джашагъан республикабызда Христосну туугъан кюню бир-бири сыйынгы кёрюуню, шохлукъну, бирикмекликни магъанасын да кёргюзеди. Ёмюрледен келген адамлыкъ шартла – халаллыкъ, тюзлюк, къайгъырыулукъ, болушлукъ этиу –миллетлени барында да баш орунну аладыла.
Багъалы джердешле, бу байрам кюнде сизге ашхы умутла, саулукъ-эсенлик, насыб теджейбиз. Юйлеригизге мамырлыкъ, рахатлыкъ, насыб, берекет келсин!

Къарачай-Черкес Республиканы Башчысы
ТЕМРЕЗЛАНЫ Рашид

Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.