Джангы джылгъа джарыкъ бетден тюбейик,
Джангы юйге кирген кибик кирейик,
Джюреклени игиликге байлайыкъ,
Джангы джылда минг пелахны хорлайыкъ.

Джетер джерге джетсин айтхан сёзюбюз,
Рахат болсун кём-кёк мийик кёгюбюз,
Токъ болгъанлай турсун бизни кёлюбюз,
Бир тиллиге къарамасын кёзюбюз.

Аманлыкъны юзгереси чачылыб,
Муратлагъа элтген джолла ачылыб,
Биз джетейик къууанч кютюлген джерге,
Кёлтюрейик хорлам байракъны ёрге.

Насыб бла татлы ушакъ этейик,
Келир джылгъа да тыйгъычсыз ётейик.
Къралыбыз къралладан баш болсун,
Хунерлик бла берекетден топ-толсун.

Мамчуланы Дина.