КъЧР-ни Башчысы Темрезланы Рашидни аманаты бла Луганск Халкъ Республиканы Старобельск муниципал округунда социал, окъуу учреждениелеге джюрюген эмда кадет корпусда тургъан 3400-ге джууукъ сабийге Джангы джылгъа саугъала берилгендиле.

«Быллай магъаналы эмда ашхы ишле джаш джердешлерибизни къууанч сезимлеге бёлейдиле, алагъа къайгъыргъаныбызны кёргюзедиле. Аны бла бирге, сабийле Ата джуртубузну кючю бирликде, бир-биринге болушлукъ этиуде болгъанын ангылайдыла. Къачан да биз Луганск Халкъ Республика бла къысха байламлылыкъ джюрютебиз. ЛНР-ден сабийле Къарачай-Черкесиягъа келиб, солугъанлай турадыла. Биз да алагъа таблыкъла къураргъа, терен эс бёлюрге кюрешебиз. Сабийлени барын да Джангы джыл бла таза джюрекден алгъышлайма. 2026-чы джыл хар сабийге насыб, къууанч келтирсин», – деб
джазгъанды Темрезланы Рашид МАХ мессенджерде.