Эресейни ФСБ-ны Къарачай-Черкес Республикада управлениесини хурметли къуллукъчулары бла ветеранлары! Сизни санагъат байрамыгъыз бла – РФ-ны къоркъуусузлукъ органларыны къуллукъчусуну кюню бла – алгъышлайбыз!

Сиз джашауугъузну атагъан къуллукъ – ол къралыбызны къоркъуусузлугъуну тамалыды, ич эмда тыш къоркъууладан сакълагъан кючдю. Сизни ишигизде усталыкъ, джууаблылыкъ, джигитлик дегенча асыл шартла керекдиле. Сиз Ата джуртубузну эркинлигин джакълайсыз, къралыбызда рахатлыкъ, мамырлыкъ, къоркъуусузлукъ сакъланырча этесиз.
Къыйын, алай а магъаналы ишигиз къралны ёсюмюню тамалыды. Сиз терроризмге, экстремизмге, коррупциягъа, экономика джаны бла аманлыкъ ишлеге къаршчы кюреш бардырасыз. Джетишимли толтургъан хар бир ишигиз бла сиз Ата джуртубузну къоркъуусузлугъуна эмда ёсюмюне юлюш къошасыз.
Деменгили къоркъуусузлукъ система къураугъа къыйынлары кирген, къыйын кёзюуледе къралны къоркъуусузлугъун сакълагъан, иш сынамларын джангы тёлюлеге берген ветеранлагъа уллу бюсюреу этебиз.
Сизге кючлю саулукъ, ашхылыкъла, ишигизде джетишимле теджейбиз!

Къарачай-Черкес Республиканы Башчысы
ТЕМРЕЗЛАНЫ Рашид

Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.