Бу кюнледе КъЧР-ни Башчысыны «Движение Первых» деген джаш тёлю къозгъалыу бла байламлылыкъ джюрютюуню хакъындан республикан координацион советини кенгеши бардырылгъанды.

Кенгеш КъЧР-ни Башчысыны эмда Правительствосуну Администрациясыны тамадасыны биринчи орунбасары Хубийланы Маратны башчылыгъы бла ётгенди.
Анга къошулгъанлагъа «Движение Первых» деген къозгъалыуну регионла бла байламлылыкъ джюрютген департаментини тамадасыны орунбасары Байса Муканова видеоконференция халда хошкелди айтханды.
Кенгешни кёзюуюнде джаш тёлю къозгъалыуну регионал советини председатели Къочхарланы Алина 2025-чи джыл республикада баджарылгъан ишлени эмда «Ёлка желаний» деген бютеу къралда бардырылгъан акциягъа къошулууну юсюнден хапар айтханды.
«Движение Первых» къозгъалыуну алчы къауумун бютеу Эресей проектлени финалларына ашырыуну, республиканы муниципал къуралышларында орналгъан джаш тёлю аралыкълада къозгъалыуну келечилерине джараулу джерле къурауну юсюнден КъЧР-ни джаш тёлю ишлени хакъындан министри Тотуркъулланы Ибрагим толу хапар айтханды.
Къозгъалыуну алчылары да «Большая перемена», «Хранители истории», «Первый студенческий», «Первая помощь» деген проектлеге, «Мосты дружбы» деген регионла арасы форумгъа сюйюб къошулгъанларын билдиргендиле.
Кенгешни ахырында «Движение Первых» деген къозгъалыуну регионал совети быйыл баджаргъан ишлени эсеблери чыгъарылгъандыла.