Эндреуюк (декабрь) айны 5-де КъЧР-ни Правительствосуну Председатели Мурат Аргунов Проект ишни хакъындан советни кенгешин бардыргъанды. Анда Къарачай-Черкесияда регионал проектлени толтурууну юсюнден сёлешиннгенди.

Кенгешни аллында КъЧР-ни Башчысы Темрезланы Рашид республиканы джамагъаты бла ачыкъ эфир бардыргъан кёзюуюнде берген буйрукъла къалай толтурулгъанларына багъа берилгенди. КъЧР-ни Башчысыны эмда Правительствосуну Администрациясыны тамадасыны орунбасары Франческа Астежева адамланы тилеклерине, сорууларына къарау къалай баргъаныны юсюнден хапар айтханды. Ол иш тыйыншлысыча бардырылады, джарсыуланы кёбюсюне къаралыб бошалгъанды.
Кенгешде республиканы Башчысы салгъан борчла заманында эмда деменгили толтурулургъа кереклиси чертилгенди.
Анга къошулгъанла миллет проектлени, кърал программаланы толтурууну тамалында бёлюннген ачха къалай джоюлгъанын да сюзгендиле.
Кенгешни ахырында КъЧР-ни Правительствосуну Председатели Мурат Аргунов миллет проектле бла кърал программаланы тамалында белгиленнген ишлени толтуруугъа кёз-къулакъ болуб турургъа кереклисине эс бёлдюргенди. Ол айтхандан, джылны аягъына дери бютеу проектле бла программаланы толтурууну дараджасы 100 процентге джетерге керекди.