Абыстол (ноябрь) айны 24-ден 26-на дери КъЧР-ни Ич ишлерини министерствосу бла Эресей гвардияны бизни республикада бёлюмюню къуллукъчулары «Оружие» деген оператив-профилактика иш бардыргъандыла.

«Оружие» деген оператив-профилактика ишни баш мураты сауутну, уруш кереклени, атылыучу затланы законсуз джюрютюуге, чыгъарыугъа, хайырландырыугъа къаршчы кюреш бардырыуду.
КъЧР-ни МВД-ны кеслерин табдырмагъан адамланы, тас болгъанланы излеучю (уголовный розыск) бёлюмю билдиргеннге кёре, законсуз сауут джюрютгенледен 20 тюрлю сауут, 366 уруш керек, адам кеси къолу бла этген 2 атылыучу зат, сауутну къурамында болгъан 5 зат, 1 килограммдан артыкъ шкок от (порох) сыйырылгъанды. Аланы арсында МВД-ны къуллукъчуларына сауутну кеси разылыкълары бла бергенле да болгъандыла.
Профилактика иш бардырылгъан кёзюуде сауут джюрютюу бла байламлы 17 аманлыкъ иш ачыкъланнганды, 14 адам джууабха тартылгъанды, 34 адам да, законну бузгъаны ючюн, административ халда айыбына джолукъгъанды.
КъЧР-ни МВД-сы бу затны эсгертеди: сауутну, уруш кереклени, атылыучу затланы кеси разылыкълары бла ич ишлени органларына бергенле РФ-ны законларыны тамалында джууабха тартылмайдыла. Аны бла бирге сауутну кеси разылыкълары бла бергенлеге ачха да тёленеди.

КъЧР-ни МВД-ны пресс-къуллугъу.