Къарачай-Черкесия кърал эмда муниципал учреждениеледе энергетиканы файдалылыгъын ёсдюрюу бла Эресейде эм алчыланы тизиминдеди.

РФ-ны Экономика министерствосу бардыргъан рейтингни эсеблерине кёре, 2024-чю джыл КъЧР ючюнчю оруннга ие болгъанды – ол 84 балл алгъанды. Аны аллына Краснодар край бла Санкт-Петербург чыкъгъандыла.
Бу ишни юсюнде Эресейни 30 региону алгъа атлам этгенди, къралны 67 субъекти кеслерини кёргюзюмлерин акъырын ёсдюрюб баргъанларын кёргюзюрге онг табхандыла.
КъЧР джетишимли болгъанына себеблик этген затла – бизде экология эмда табигъат байлыкъны аяулу этиу бла программаланы толтуруугъа уллу эс бёлюнеди.
2024-чю джыл баш кёргюзюмледен эм джетишимли болгъанланы атларын да айтайыкъ: биринчи оруннга Санкт-Петербург чыкъгъанды (86,9 балл, класс «А+»), экинчи орун Ханты-Мансийск автоном округга берилгенди (82,2 балл, класс «А+»), ючюнчю оруннга да Вологод область ие болгъанды (78 балл, класс «А+»). Эресейни субъектлери теджеген кёб тюрлю кёргюзюмге къараб, эсеблени алай чыгъарадыла. Айтыргъа, бу кёргюзюмлеге къарайдыла: стратегия планны файдалылыгъына; энергияны аяулу хайырландырыугъа джораланнган ишлеге; кърал эмда муниципал учреждениеледе, кёб къабатлы юйледе, джоллада, орамлада энергияны сакълар ючюн этилген джумушлагъа.