Къарачай-Черкесияда 1720-дан аслам сабий сочинение джазгъанды. Кърал аттестацияны аны джазмагъан сохта ёталлыкъ тюлдю. Ол сандан 100 сабий сакъатладыла, бир сабий да бечелди.

– Сочинение кърал аттестацияны бардырырны аллы бла джазылады. Сочинение джазаргъа разылыгъын 1720 сохта билдиргенди, аланы 21-и орта усталыкъ билим берген учреждениелени окъуучуларыдыла, къалгъанлары орта билим берген школланы сохталарыдыла. Сынау ишни республиканы 17 джеринде джазгъандыла. Ол 3 сагъат бла 55 такъыйкъаны баргъанды, – деб хапар айтханды КъЧР-ни окъуу бла илму министрини орунбасары Фатима Бекижева.
Сабийлени джыйырмагъа джууугъу изложениени сайлагъанды. Анга да 3 сагъат бла 55 минут берилгенди. Ауругъан сабийлеге къошакъ заман да теджелгенди – сагъат бла джарым.
Сабийле кеслерини билимлерине базаргъа керек болгъандыла, къол телефонлагъа къараргъа эркинлик берилмегенди. Сынау ишни къалай баргъанына къарагъанла да джетишгендиле. Сынгар сёзлюкле бла хайырланыргъа эркинлик берилгенди.
Сабийле кеслерини разылыкълары бла юч темадан бирин сайлагъандыла. Аланы бири тин-иннет хазна бла, экинчиси юйдеги эмда джамагъат бла, ючюнчюсю да табигъат-маданият байлыкъ бла байламлы болгъандыла.
Сочинениени эм азында 250, изложениени да 150 сёзю болургъа керек эди. Сынам кёргюзгенден, джыл сайын сохталаны 85 процентден асламысы биринчи кереден зачёт алады.