Эндреуюк (декабрь) айны 9-да, Ата джуртну джигитлерини кюнюне аталыб, Черкесскеде Джигитлени аллеясында джыйылыу болгъанды.

Аны кёзюуюнде Къарачай-Черкесияны Башчысы Темрезланы Рашид Черкесск шахарны мэри Алексей Баскаев бла бирге, Уллу Ата джурт къазауат-
ны джылларында ёлген аскерчилени эсгере, «Ёмюрлюк от» мемориал бла «Советскому солдату – Победителю» деген эсгертмеге, аскер къаугъада ёлген Эресейни Джигити Боташланы Къанаматны эсгертмесине гокка хансла салгъандыла.
«Джанларын-къанларын аямай, джигитлик, ётгюрлюк танытыб, Ата джуртубузну къоруулагъан джигитлени къайсы бирине да разылыгъыбызны билдиребиз.
Белгили поэт Роберт Рождественскийни: «Каждой секундой, каждым дыханием будьте достойны…» – деген сёзлери эсибизге тюшедиле. Джигитлени эсде тутаргъа, алагъа сый брирге, аланы джигитликлерине тыйыншлы болургъа керекбиз. Ата джуртубузну джигитлери бизге мамыр джашауну саугъа этгендиле», – деб джазгъанды КъЧР-ни Башчысы Темрезланы Рашид социал сетледе.