Къарачай-Черкесияда наркотикле ичиб туруб, артда реабилитация курсланы ётгенлеге сертификатла берилиб башланнгандыла.
Бу джумуш «Немедицинская реабилитация и ресоциализация наркопотребителей в Карачаево-Черкесской Республике на 2016-2020 годы», «Социальная защита населения в Карачаево-Черкесской Республике на 2014-2020 годы» деген программаланы джашаугъа сингдириу бла байламлыды.
Бу иш бла КъЧР-ни Урунуу бла социал ёсюмюню министерствосу уллу сынамы болгъан «Реабилитационный центр «Общество без наркотиков» деген коммерциягъа кирмеген автоном организация бла бирге кюрешеди. Джыл сайын бу реабилитацион аралыкъда 70-ге джууукъ адам кеслерин бакъдырадыла.
2017-чи джыл бизни реабилитацион аралыкъ Наркотиклеге къаршчы миллет союзну къурамына киргенди, нек десенг, аны ишине федерал эмда халкъла арасы дараджада тыйыншлы багъа берилгенди.

Айтыргъа, 2017-чи джыл декабрны 4-де Россия Федерацияны Федерал Джыйылыууну Кърал Думасында «Парламентарии против наркотиков» деб халкъла арасы конференция бардырылгъанды. Аны ишине аралыкъны тамадасы Виктор Страх да къошулгъанды. Быллай джыйылыула наркотиклени къапханларына тюшгенлени къутхарыуну джангы джолларын, мадарларын ачыкълайдыла.