Аналаны кюнюне джоралаб, «Защитники Отечества» деген кърал фондну Къарачай-Черкесияда бёлюмю Шимал Кавказ кърал академияны цифра инженерия эмда сетевой технологияла кафедрасы бла бирге аскер къаугъаны ветеранларыны, СВО-да ёлген аскерчилени сабийлерине ашарыкъ этиуден мастер-класс къурагъандыла.

Аскерчилени юйдегилерине болушлукъ этиу, аланы сабийлерине кёл бериу бу ишни баш муратыды. Мастер-классха къошулгъан сабийле усталыкъларын ёсдюрген бла бирге кеслери этген затланы татыуун кёргендиле.
Алайды да, татлы булкала этиуден дерсни кафедрасыны доценти, педагогика илмуланы кандидаты Боташланы Халима бардыргъанды. Сабийле тылы басаргъа, тылы бла кюреширге юреннгендиле, кеслери татлы затла этиб кёргендиле.
«Булкала этиуню бек джаратханма. Ала бек татлыла болгъандыла. Юйде да аллай булкала этиб, анамы къууандырыргъа излейме», – дейди СВО-ну ветераныны джашы Аслан.
Айтыргъа, «Защитники Отечества» фондну Къарачай-Черкесияда бёлюмю аскерчилени сабийлерини кёллерин кёлтюрюр мурат бла быллай ашхы ишлени бардыргъанлай турады.

(БИЗНИ КОРР.).